Trendet ikin e vijnë, por një gjë është e sigurt: Baluket nuk do të dalin kurrë nga moda! Mund të harrohen për disa kohë, por sërish do të jetë dikush që do t’i rikthejë papritur dhe ne të gjithë ri-biem sërish në dashuri me baluket e drejta.
Dhe kështu duket se ka ndodhur edhe me vajzat e shoëbiz-it shqiptar, pasi personazhe si Armina Mevlani, Xhemi Shehu, Olta Gixhari, etj., së fundmi kanë zgjedhur baluket stil Bardot, ku pjesa e skajshme e balukeve, zgjatet për t’iu bashkuar në gjatësi pjesës tjetër të flokëve.
Megjithatë, për ato që ende nuk e kanë gjetur guximin të bëhen me baluke për shkak se ende nuk e dinë nëse i përshtatet fytyrës së tyre, ka një rreng vërtet të volitshëm. Ashtu sic bëri Kendall Jenner pak muaj më parë dhe së fundmi Rozana Radi, duke i kapur flokët topuz, pjesa e fundit ët fokëve mund të stilohet në mënyrë të tillë që të luajë rolin e balukeve dhe voila! Tashmë e dini nëse baluket bëjnë për ju ose jo./Anabel
