Kryeministri Rama ka bërë sot një koment cinik sipas të cilit protestuesit te parku inatin me qeverinë po e shfryjnë tek këndi i lojrave për fëmijë (shiko statusin poshtë).
Por me gjithë ironinë e kryeministrit ajo me të cilën ai ka tentuar të tallet, fatëkeqësisht është e vërtetë. Po, po, protestuesit e kanë tamam me të. Dhe protestat tek liqeni janë kulmimi i dufit vetëm për një politikë që i ka gënjyer dhe është tallur me ta.
E kanë inatin me të se nxori si dordolec Erion Velinë në fushatë, për ti këtkuar votat njerzve me slloganin “zero ndërtime” dhe sapo mbaroi gara firmosi 6 pallate mbi 10 kate në Tiranë.
E kanë inatin me të se përdori Erionin gjatë zgjedhjeve për të propoganduar një qytet pa makina, dhe po fton makinat në zemër të Tiranës me projektin e parkimit gjigand që prish parkun rinia.
E kanë inatin me të se si tinzar sapo përfundoi fushata lokale, organizoi atë konkursin për shkatërrimin e sheshit Nënë Tereza (hyrja e parkut të liqenit).
E kanë inatin me të sepse megjithëse po hap boulevard për ta zhvilluar Tiranën përtej stacionit të trenit, parashikon ndërtime tek garda e Republikës.
E kanë inatin me të se po vazhdon betonizimin dhe shkatërrimin e qytetit që e nisi që në vitet 2000 si kryetar bashkie, së bashku me ata që sot i ka bërë deputetë të PS dhe mbrojtësit e tij mediatikë.
E vetmja pikë ku Rama ka të drejtë është konstatimi se mllefi është me të. Protestat tek parku janë vetëm kulmimi i kundërshtimit të krimeve të tij mbi këtë qytet.
