Lojtarët e Kombëtares dhe trajneri De Biasi, thuhet se kanë pezulluar përkohësisht mëngjesin e djeshëm stërvitjen e radhës në prag të miqsores me Gjeorgjinë. Shkak është bërë mos dhënia nga Federata Shqiptare e Futbollit e shpërblimit prej 2 milion euro, që ishte premtuar në rast kualifikimi nga vetë Federata. Fillimisht është folur për një debat të nxehtë, por kapiteni Lorik Cana është shprehur se ka qenë një bisedë proceduriale, pasi pjesë e shpërblimit do të bëhet edhe qeveria shqiptare e cila ka ofruar mbështetjen.
