Nga Denisa Himaj
SHQIPTARËT SHQUHEN PËR DINAMIZËM E GJALLËRI.
Ata njihen për kërkues të jashtëzakonshëm e me këmbëngulje të mundësive për të arritur realizimin vetëvetësor. Asnjë popull tjetër i botës në të cilën ne jetojmë, nuk është aq i panjohur për evropianët e perëndimit për sa i përket prejardhjes, historisë dhe gjuhës, sa shqiptarët.”E megjithatë, ata janë popuj kryesorë, të lashtë e të rëndësishëm, që çdo historian do të dëshironte t’i njihte: historia e tyre do të plotësonte zbrazëti të mëdha në historinë e vjetër e të re të Evropës. Pavarësisht se kanë relativisht jo shumë vite që masivisht kanë emigruar në Britani, shquhen për shpirtin e sipërmarrjes, deri në kufij të pabesueshme. Shumica e atyre që kanë provuar të bëjnë tregti dhe kanë punuar për vete kanë arritur shumë. Ai është nga Mitrovica dhe është njëri nga më të suksesshmit shqiptar të Britanisë, shembull model, jo vetëm për ata që “u ka humbur rruga në oborr”, por edhe të atyre që aspirojnë në fushën e biznesit.
Ndërsa vitet në Britaninë e Madhe vazhdojnë të rriten Mustafa kujton momentet e para kur nga fillimi i muajit Maj 1989 vendosi të niseshin për Angli së bashku me familjen e tij.
Pa dashur sa here kujtoj fillimet te cilat gjithmonë janë te vështira me kujtohen kur filluam të bënin shumë punë të cilat edhe pse nuk ishin të përshtatshme, ne i bënin për të siguruar veten dhe një pjesë të hollash për familjen në Kosovë. Besoj se ato fillimet pavarësisht se te vështira te bëjnë te kuptosh vlerën e vërtet te çdo sendi, çasti ,pjate ushqim sikurse sesa fort ndihesh I lidhur me familjen tende ku është e vetmja prehe e paqtë në atë kohe aq të vështire.
Fillimisht filloi punën në fabrikën “Saint Martin” ku pas një kohe të shkurtër iu ofrua një punë të cilën e bënte mirë, dhe klientët mbeteshin shumë të kënaqur nga shërbimi që ofronte. Aty punoi për tre vite radhazi. Nuk e përbuzi vendin e punës në London United si shofer autobusësh, por pas kësaj kohe vendosi që të largohet nga kjo punë, duke menduar se ka mundësi dhe energji për të punuar edhe më shumë. Realisht, ashtu ndodhi, sepse pas kësaj ai vendos që të nis një biznes të ri krejt personal dhe të mbështetur në forcat e tij, të cilin e quajti
“Luigi Auto Care UK Ltd” biznes i cili tashmë ka 16 punëtor, tre prej të cilëve janë shqiptar. Aktiviteti i tij privat f illoi të ketë sukses kjo arritje e shtyu të mendojë se këtij biznesi mund t’i shtohet edhe një biznes tjetër që do ta bënte edhe më të madh dhe më të begatshëm këtë
kompani, që tashmë krahas të parës ka një emër tjetër, por që bashkë-dyzojnë si kompani simotra “Asterion Motors”, kjo e fundit zhvillon tregtinë përmes shitblerjes së makinave. Edhe në këtë biznes Mustafa ka të punësuar pesë persona tre prej të cilëve janë shqiptarë.
Ai beson se suksesi në këtë punë ka qenë sinqeriteti , devotshmëria, shërbimi cilësor dhe besueshmëria që i ka dhënë klientit në çdo shërbim “dhe mbi të gjitha besimi në një Zot si mbështetja më e madhe për mbarësi” shprehet ai. Por, padyshim që biznesi do pasion dhe punë te cilat nuk ka munguar nga ana e tij. Kurrsesi nuk mund të harronte atdheun në asnjë moment, qëkur u gjend në ishullin britanik dhe duhej të ndihmonte të afërmit në Kosovë. Për Mustafën atdheu është shumëçka! “ Atdhetar i vërtet është ai që ndërton dhe ndihmon vendin e tij sa herë që e lyp nevoja.
Unë jam nga gjeneratat e para në Angli dhe që nga ardhja ime më 1989 jam përpjekur të bëj më të mirën për vendin tonë” shprehet ai duke shtuar se “ Atdheu është ideali më i shtrenjtë i një individi, është gjëja më e shtrenjtë që pavarësisht largësive dhe kilometrave një shenjë nga vendi ynë na bën që të emocionohemi në çdo kohë. Nuk mund të ndërtohet e ardhmja nëse mohojmë nga kemi ardhur dhe çfarë paraqesim. Njeriu gjatë gjithë jetës së tij, me rritjen e përvojës praktike jetësore dhe me zgjerimin e dimensioneve të kulturave të ndryshme, e përsos dhe e ndryshon mendimin e tij për probleme të rëndësishme në jetë, shpesh duke shkuar edhe tek kundërshtimet që ai është i pakënaqur me atë që bëhet apo punohet në vendin e tij, por asnjëherë nuk ndjen dhe nuk duhet të ndjejë përbuzje për vendin në të cilin ka fëmijërinë, rininë dhe gjëra të tjera aq shumë të rëndësishme për të.
Krahas kësaj atdhedashuria jonë pasqyrohet se sa shumë ne i edukojmë brezat e rinj, fëmijët tanë me kulturë kombëtare dhe dashuri të thellë për Shqiptarinë. Duhet bërë çdo gjë që brezi i ri të mos asimilohet e kultura jonë të trashëgohet brez pas brezi, me fjalë të tjera të jemi të papërtypshëm nga asnjë kulturë tjetër” Zoti Ferati, si pjesë e biznesit shqiptar këtu në Britaninë e Madhe, dëshiron qe te gjithë biznesmenët të bashkëpunojnë me njëri tjetrin, sepse kështu janë te bashkuar sikurse me pranë njeri tjetrit. Bashkëpunimi është fryt suksesit te kujtdo e njëjta moto me ka udhëhequr kurdoherë gjate qëndrimit tim ne Mbretërinë e Bashkuar.
Ne këtë mënyrë mund te mbrohen me shumë interesat tona shumë paleshe , të ndihmojmë komunitetin qofshin shqiptarët që janë këtu apo ata në vendlindje. Zoti Ferati personalisht, është i angazhuar që nga fillimi ne bashkëpunimin parësorë ta ketë me bashkëkombësit e tij, për vetë faktin se i lidh çdo gjë, ashtu si edhe shprehet NE JEMI NJË! Kjo moto bashkëpunimi reflektohet me se miri ne bashkëpunim të shkëlqyer qe Z.Ferhati ka me organizata të ndryshme shqiptare në Angli, e në veçanti bashkëpunim të shkëlqyer ka
edhe më bashkësinë Kulturore-fetare Islame Shqiptare për të cilën është mirënjohës kontributit dhe afrimitetit që ka dhënë Z.shejh Zymer Salihu nga kjo bashkësi.
Aktualisht në këtë bashkësi Zoti Ferati është në rolin e Kryetarit të bordit drejtues, rol të cilin e ka pranuar me shumë përgjegjësi e dëshirë dhe që e bënë vetëm për kënaqësinë e Zotit! Konkretisht kjo qendër kulturoro-fetare Qendra Kulturore-Muslimane Shqiptare këtu në Londër në bashkëpunim të ngushtë me organizatën bamirëse Muslim Aid ka në projekt ndërtimin e 40-100 shtëpive për jetimë e të varfër në trojet Shqiptare. Ky është një kontribut I jashtëzakonshëm ku vetëm një atdhetar qe mbart vlerat me te mira Shqiptare mund ta demonstroje.
Zoti Ferati shprehet me një mesazh për bashkatdhetarët e tij ku dëshiron ta përmbyll me sintagmën e njohur të Xhon Kenedit i cili më 20 Janar 1961 porositi popullin e tij me një kusht themeltar: “Mos pyet çfarë bëri vendi për ty, por pyet çfarë bën t’i për vendin tënd?” Kjo përgjegjësi sipas tij mendon se duhet t’i rëndoj çdo qytetari shqiptarë që jeton në çdo vend te globit! Zoti Ferati shton se është detyra e gjithsecilit prej nesh te ndërgjegjësohemi kudo qe ndodhemi brenda apo jashtë atdheut te kontribuojmë çdo ditë për të ardhmen e fëmijëve tanë, të rriten denjësisht duke paraqitur dhe mbartur vlerat kulturën gjuhën edhe historinë tone te lavdishme.
Ai vazhdon më tej duke u shprehur me nota me te forta se është turp për këdo te mos mbarte vlerat e identitetit te tij ,duke mos njohur pranuar sikurse respektuar historinë është e barazvlefshme me mosrespektimin e vetvetes si individë. Zanafilla si edhe vazhdimësia i kane rrënjët te ngulura thellë ne histori. Zoti Ferati vazhdon se nuk do te kursehet ne asnjë moment te shprehë krenarinë e të qënit atdhetarë se vetëm ne këtë mënyrë ndien se jep kontribute te vyer për atdheun e tij të dashur.
