Keru i Aleancës për Ardhmërinë e Kosovës, Ramush Haradinaj ka kritikuar qeverisjen e kaluar për problemet që po dalin me listat e veteranëve. Ai tha se prej komisionit të verifikimit të veteranëve e deri te i ngarkuari për këtë post janë produkt I Qeverisjes Thaqi.
Haradinaj u shpreh se duhet gjetur fajtori për gabimet që janë bërë në listat e veteranëve dhe ndokush duhet të japi përgjithësi për të.
“Komisioni për verifikim të veteranëve është produkt i Qeverisë së Thaqit. I ngarkumi është poashtu i ngarkuar i Qeverisë Thaqi. Nëse janë bëë lëshime e gabime sic po thuhet a do të japi ndokush ëprjgithësi për këto gabime”, ka thënë Ramush Haradinaj.
…………..
Sqarohet Agim Çeku, listat e veteranëve janë fillestare
Kryetari i komisionit parlamentar që është marrë me verifikimin e veteranëve të luftës së UÇK-së është sqaruar në seancën parlamentare që puna e komisionit ende nuk ka përfunduar, prandaj njerëzit që kanë reaguar ashpër ndaj listave të publikuara dje.
“Listat e publikuara dje kanë qenë vetëm fillestare. Mirëpo ata që dje kanë reaguar e besa edhe na kanë ofenduar për punën e bërë, iu bëj me dije që listat e djeshme kanë qenë vetëm fillestare dhe se ato janë konfirmuar nga vet komandantët që kanë operuar nëpër brigada, togje e njësi të tjera të UÇK-së”, ka thënë Çeku.
Ai ka thënë se tash ekziston një afat prej 70 ditëve që të gjithë, jo vetëm ata që kanë aplikuar për statusin e veteranit, por të gjithë qytetarët kanë të drejtë të ankohen dhe se komisioni do i marrë për bazë të gjitha ankesat e bëra.
