Palllatit 11-katësh në Vlorë, për të cilin u arrestuan 3 persona, mes tyre edhe kryebashkiaku Gjika, i cili më pas është lënë i lirë, i është vendosur sot shiriti. Rreth orës 12:00, policia e ka rrethuar pallatin në lagjen “Hajro Çakërri” me shirit. Ndërkohë, një ditë më parë, Prokuroria urdhëroi sekuestrimin e këtij pallati derisa të përfundojnë hetimet. Shpëtim Gjika përfundoi i arrestuar të premten pasdite, si i dyshuar për veprat penale të “falsifikimit të dokumenteve”, “shpërdorimit të detyrës”, ndërtimit të paligjshëm” dhe “veprime që pengojnë zbulimin e së vërtetës”, të kryera në bashkëpunim me drejtoreshën e Planifikimit dhe Kontrollit të Territorit, Doriana Sulaj. Dokumentet me përmbajtje të falsifikuar thuhet se janë përdorur nga administratori dhe përfaqësuesi i shoqërisë ndërtuese “Turi M.Z.B”, shtetasi Artur Haxhi, ku i fundit i arrestuar.
