Ambasadori i Serbisë në Tiranë, Miroljub Zariq ishte të ndër të paktët diplomatë të akredituar në Tiranë që ka vizituar sot Katedralen Ortodokse “Ngjallja e Krishtit” me rastin e festës së “Krishtlindjeve”. Ai është pritur nga klerikët më të lartë të kësaj kishe.
Po ashtu disa muaj më parë në këtë katedrale të rinjtë serb kanë ngritur flamurin e Serbisë ditën e inaugurimit të saj, veprim ky që nuk u prit mirë nga media dhe kritika sidomos në Kosovë.
Po ashtu gjatë orëve të para të mëngjesit të sotëm në Kishën Ortodokse Ngjallja e Krishtit në Tiranë, ra në sy edhe prezenca e ish Guvernatorit të Bankës së Shqipërisë, Ardian Fullani së bashku me bashkëshorten dhe dy fëmijët e tij.
Për Fullani kjo ishte dalja e parë publike pas akuzave që iu bënë për përgjegjësinë e vjedhjes së Bankës së Shqipërisë në korrik të këtij viti.
