Ish kryeministri dhe deputeti aktual demokrat, Sali Berisha, i cili ndodhet këto ditë në Budapest, ka mbajtur një fjalim (fotot) në konferencën e organizuar për 25 vjetorin e Kryengritjes së Timoshoarës. Në fjalën e tij, z.Berisha tha se shprehu “zotimin solemn se ne demokratët shqiptarë do t’u rezervojmë bijve, fundin e etërve të tyre barbarë”. Berisha ka thënë para të pranishmëve në konferencë se kombet që vuajtën nën diktaturat komuniste janë dhe do mbeten shumë mirënjohës ndaj kombit hungarez. “Në fjalën time, theksova se kombi vigan i Hungarisë, ishte i pari që së bashku me autoritetet e vendit shembi segmentin e vet të murit të Berlinit, hoqi telat me gjemba ne kufirin me Austrinë dhe duke hapur kufirin për gjermanët e Lindjes luajti rol të pazëvendësueshëm në shembjen nga gjermanët të murit të Berlinit”. Berisha tha se Timoshoara nuk eshte nje ngjarje e madhe vetem per kete qytet dhe Transilvanine por dhe per rumunet, shqiptaret dhe mbare popujt e tjere te shtypur, te cilet mbeten pas zhvillimeve epokale ne Poloni, Hungari, Gjermani, Çekosllovaki nen diktaturat e egra komuniste. “Qendresa e qytetareve te Timoshoares frymezoi rumunet dhe shqiptaret ne perpjekjet e tyre per liri, te drejta dhe dinjitet njerëzor”, – tha Berisha. Ne fjalen e tij, ish lideri i PD ka folur gjatë për lëvizjen studentore te dhjetorit 1990. Më tej ai është ndalur në zhvillimet e fundit ne Shqiperi ku theksoi se në Shqipëri, “aktualisht janë ne pushtet bijte e atyre qe ne përmbysëm ne vitin 1990”. “Une besoj se askush nuk mund te mbaje përgjegjës bijtë per veprat e etërve te vet. Mirëpo ne Shqipëri qeveritaret aktual festuan ne vitin e 70 vjetorit te çlirimit duke rehabilituar diktatorin Enver Hoxha, diktatorin më mizor qe Europa ka njohur pas Luftës se Dyte Botërore, te cilin liderët e EDU, qendrës se djathte europiane, ne deklaraten e Samitit te pranveres se viti 1991 e cilesuan si Hitlerin shqiptar te Pasluftes. Ata ngriten muze shtetëror per Enver Hoxhen, dekoruan mbi 1000 drejtues kryesorë, persekutorë xhelatë te regjimit hoxhist qe kryen ndaj shqiptarëve genocid dhe krime te tmerrshme kundër njerëzimit”, – ka përfunduar Berisha fjalën e tij.
