“Këtë libër ja kisha borxh vetes dhe një pjese të mirë të grave shqiptare. Pikërisht atyre që për një arsye, ose një tjetër u detyruan të largohen nga Shqipëria.” Kështu shprehet për gazetën tonë shkrimtarja Teuta Metra. Duke folur për librin e saj më të ri “Nowhere Girls” ajo thotë se gjithcka ka dashur të realizojë me këtë libër është tërheqja e vëmendjes së opinionit të huaj, ndaj problemeve me të cilat haset shoqëria jonë sot, duke përdorur kësaj rrahe pikërishf lexuesin,.
“Nowhere Girls”, është titulli që ky libër vjen në gjuhën angleze. Romani është i shkruar me një stil bashkëkohor dhe është i bazuar në histori të vërteta, të sjella bukur e plot emocion nga shkrimtarja e re Teuta Metra.
Në qendër të romanit janë tre femra: Sara, një ish gazetare që punon fort për të ndryshuar Shqipërinë e saj, Tiranën e saj, që e do aq shumë, por në fund është e detyruar që të largohet prej saj. Ina, një grua që nuk ka fat as në dashuri e as në jetën e saj private. Jeta e saj sociale dhe ekonomike është buzë greminës. Ajo bie pre e një burri abuzues, duke e bërë mbijetesën e saj të dyshimtë.
Ky personazh, sipas Metrës, permbledh të gjitha gratë shqiptare që kanë rënë pre e dhunës familjare pas viteve ’90, në Shqipëri dhe jashtë kufinjve shqiptare. Një personazh interesant në këtë libër është dhe Alba, mikesha e tretë, e cila nuk lë gurë pa lëvizur, dhe shkel mbi të gjithë, për të ngjitur shkallët e saj politike. Krimi dhe paraja janë kudo ku Alba vë kemben e saj. E ngatërruar deri në rrjetet me të larta politike ajo ndërton një organizatë fiktive për të thithur sa më shumë para. Në fund, kur ka marrë gjithcka nga Tirana, ajo zhduket nga Shqiperia, pa lene gjurme. Jeta e këtyre gave jepet nëpërmjet një labirinthi të frikshëm, ku lexuesi qëndron me ankth dhe kurioziteti e shtyn të lexoje faqen tjetër. E vërteta dhe mashtrimi bashkëjetojnë e ndërthuren në mënyrë te cuditshme, por që Metra ka ditur aq bukur t’i bashkoje dhe ndajë aty ku duhet.
Në libër vihet re fare mire ndërthurja e shumë kulturave dhe mentaliteve më të cilat personazhet femra ju duhet të përballen në mbijetësen e tyre, duke e bërë më aktuale me lëvizjen e shqiptareve nëpër botë. Shkrimtarja thotë se gjatë shkrimit të librit është përpjekur që të jetë sa më afër realitetit dhe të mos ndikohet nga vështrimi gazetaresk.
Megjithatë ajo thotë se herë pas herë ky lloj stili ka ndikuar në shkrimin e romanit. Gjatë leximit lexuesit I dalin pyetje të tilla si psh: cfarë po ndodh me këtë vend të vogël Ballkanik, ku turistët mahniten nga koha e mirë, deti, malet, ushqimi i shijshëm dhe mikpritja e vendasve. Por cfarë kanë shqiptarët që duan të largohen nga ky vend. A mos është ky një mallkim, apo vendi po vuan nga dicka tjetër si: krimi dhe korrupsioni që ka pëmbytur vendin që pas viteve ’90.
Teuta Metra, është larguar prej disa vitesh nga Shqipëria, dhe tashmë punon në Hollandë ku dhe jeton bashkë me dy djemte dhe burrin e saj.
Kanë thënë për librin:
“This novel speaks eloquently to the lives of contemporary Albanian women. There is compassion with the truth but at the same time the truth is unvarnished of how people navigate through a modern society that seems made to devour them alive.“ – Bronwyn Jones, writer
“I really enjoyed the book – the way it follows the three friends’ lives, and shows the cultural and political problems there are in Albania. I liked how Teuta showed all aspects of life through the 3 women, from poor to middle class to living the high life. A great read.” – Helen Pryke, author
