Qeveria britanike i ka shkruar presidentit të UEFA-s Michel Platini për t’i kërkuar “sanksione të ashpra” kundër Serbisë, pas abuzimit racist që iu bë lojtarëve anglezë prej tifozëve serbë në ndeshjen famëkeqe të kombëtareve të të rinjve nën 21-vjeç.

Në vitin 2012, pothuajse ekzaktësisht, dy vjet më parë, lojtarët anglezë u ofenduan në mënyrë raciste gjatë ndeshjes së ditës së martë në qytetin serb Krushevac, ku nga shkallët e stadiumit vinin imitime majmunësh dhe fyerje të tjera.
Anglia fitoi 1-0 dhe u kualifikua për në kampionatin europian të moshës nën 21-vjeç por në fund të ndeshjes, lojtarët, stafi, trajnerët dhe tifozët të gjithë përfunduan në përleshje.
Pas kësaj federate angleza kishte deklauar se nuk do të dërgonte më ekipe të saj në Serbi nëse nuk zgjidhej puna e racizmit dhe e dhunës.
Platini vetë i ka kërcënuar serbët në 2011 se rrezikonin t’u ndalohej pjesëmarrja në të gjitha veprimtaritë europiane nëse nuk ndryshonin.
Si do të lexohet kjo e kaluar sot kur ata përsëritën në mënyrë skandaloze këtë sjellje në ndeshjen me Shqipërinë?
Edhe kryeministri britanik than ë atë kohë se ishte i skandalizuar nga skenat në Serbi dhe se donte UEFA-n që të ndëshkonte rëndë me sanksione Serbinë.
Përballë këtyre akuzave Serbia u soll sin ë rastin me Shqipërinë, duke mohuar gjithshka. Askush nuk u tregua racist dhe faji ishte futbollistit anglez Danny Rose që pasi e ofenduan gjithë ndeshjen u tregua sipas serbëve shumë arrogant me tifozët serbë.
Si në rastin me dronin, Serbia akuzoi gjestet e lojtarit anglez si shkak që filluan përleshjet.
“Asnjë ekip futbolli nuk duhet të detyrohet që të luajë në një mjedis ku mbizotëron abuzimi racist, dhuna dhe sjellja kërcënuese”, deklaroi në atë kohë federate angleze e futbollit, gati duke ia parashkuara federatës shqiptare përgjigjen për akuzën e UEFA-s se pse nuk pranuan që të vazhdojnë lojën në Beograd.
Ky i vitit 2012 nuk ishte rasti i parë me anglezët. Në 2007, UEFA e gjobiti Serbinë 24,000 euro [ër racizëm gjatë një tjetër ndeshje të moshës nën 21-vjeç kundër Anglisë.
Ka ardhur koha që ndëshkimi të mos mbetet me shuma parash, por me përjashtime nga kupat ndërkombëtare. (Ruben Avxhiu)