Drejtori Ekzekutiv i Këshillit Kombëtar Shqiptaro-Amerikan, Avni Mustafaj theksoi se protestat dhe zhvillimet e fundit në Maqedoni treguan se shqiptarët nuk kanë besim tek institucionet e këtij vendi.
“Kjo u shfaq me shpalljen e një vendimi gjykate dhe pasi që populli nuk ka besim tek institucionet, atëherë ai doli në rrugë. Kjo më pas vazhdoi me tejkalimet e Qeverisë së maqedonisë dhe pastaj situata u vazhdua me trazira dhe dhunë”, theksoi Mustafaj
Sipas tij, problemi i Maqedonisë varet vazhdimisht nga implementimi i Marrëveshjes së Ohrit, sepse ajo pako është për ti dhënë shqiptarëve të drejtat që u takojnë.
“Dhe kjo jo të bëhet vetëm në letër, por edhe në praktikë me ndarjen e buxhetit dhe pjesë tjera. Mosbesimi i këtyre dy komuniteteve dhe mosbesimi i shqiptarëve ndaj institucioneve, nxit protesta dhe reagim. Andaj kryeministri dhe udhëheqja e këtij vendi duhet të kuptojnë njëherë e përgjithmonë se shqiptarët janë pjesë e rëndësishme e këtij vendi. Dhe nuk mund që ai shtet të bëj monumente të së kaluarës, andaj shqiptarët nuk e njohin veten si pjesë e këtij shteti. Por janë dy komunitete që jetojnë paralelisht”, theksoi Mustafaj.
Kryetari i KKSHA nënvizon se të dy partitë shqiptare BDI dhe PDSH duhet që të bashkohen për të arritur çështjet e përbahkëta, por ato sipas tij janë në konkurrencë me njërha tjetrën dhe kjo nuk i shërben çështjes.
“Ata duhet të jenë më produktiv. Ata kanë pasur detyrë për të sqaruar dënimin e shqiptarëve para se të dënoheshin, dhe jo të pritej vendimi”, theksoi Mustafaj.
Kryetari i KKSHA ka folur edhe për zhvillimet e fundit në Kosovë, duke nënvizuar se proceset politike po shfaqin një demokraci prijëse në rajonin e Ballkanit.
Mustafaj tha të enjten se me procesin zgjedhor dhe paszgjedhor, “Kosova tregoi se është shteti më demokrat në Ballkan”. Ai ia atribuoi këtë vlerësim, hapave të marra përmes institucioneve për të zgjidhur situatën politike.
