Kolë Gjoka është nga ata emigrantë të sukesshëm, që e nisi rrugëtimin e tij në Gjermani, me endrrën për një jetë më të mirë dhe që falë aftësive, vetëbesimin, punës e pasionit arriti të kapërcejë çdo vështirësi. Si të gjithë emigrantët jeton me dashurinë dhe mallin për atdheun. E shikon pozitive qasjen e qeverisë shqiptare ngaj diasporës, edhe pse me vonesë, por një hap i rëndësishëm. Kërkon më shumë guxim sepse, sipas tij, një anglez apo gjerman nuk ka asgjë më shumë se ne.
Profesioni është ai që na bashkëshoqëron gjithë jetën. Ju këtë zgjedhje e keni bërë te mirëllogaritur apo ju ka ardhur spontanisht, si një vokacion i brendshëm?
-Profesioni im ishte një zgjidhje nga nevoja. Pastaj në rrugëtimin e jetës dhe karrierës ka marr ndryshimet e domosdoshme.
Cilat kanë qenë momentet që kanë shënjuar udhëtimin tuaj profesional/ personal?
-Emërimi në punë pas mbarimit të Akademisë Ushtarake.
-Largimi nga Shqipëria dhe fillimi i një jetë dhe karriere të re në Gjermani.
Shpesh thuhet që nuk ka një çelës të unifikuar suksesi për të hapur çdo derë, po ju a e keni pasur një të tillë për të hapur rrugën tuaj drejt suksesit?
-Po, vetëbesimi.
Nuk rritemi kur i kemi gjërat e lehta, por kur përballemi me sfida. Cilat sfida do i përcaktoje si më të vështirat në jetën tuaj?
-Vendimi për t’u larguar nga Shqipëria,
-Integrimi në jetën Gjermane.
Na ndodh shpesh të kthejmë vështrimin pas dhe të pyesim veten, si do ishte jeta jonë nëse do të bënim zgjedhje të tjera/të ndryshme. Si ju rezulton bilanci me vendimet tuaja?
Nga këndvështrimi i sotëm mendoj se kam marrë vendime të drejta.
Nëse arritja më e madhe e njeriut është që vazhdimisht të tejkalojë veten, cilat arritje tuaja përtej vetes do të cilësonit si më triumfueset?
-Suksesi në biznes,
-Suksesi në mbështetjen e zhvillimit të arsimit profesional në Shqipëri,
-Padyshim edhe suksesi në politikën Gjermane.
Çfarë evokimesh të djeshme e përjetimesh të sotme, të krijon tingëllimi i fjalës “Atdhe” ?
-Malli për vendlindjen,
-Gjuha,
-Shoqëria,
-Familja,
-Pjesa nacionaliste.
Çfarë cilësie mendoni se ka qenë më e mira, trashëgimi e atdheut tuaj, e cila ju ka ndihmuar të integroheni e të jeni i suksesshëm?
-Besimi në vetvete dhe përkushtimi.
Çfarë do të thotë “emigrant”, bazuar në eksperiencën tuaj personale dhe a keni vuajtur ndonjë pasojë të këtij “statusi” në fillimet apo aktualitetin tuaj?
-Emigrant, për mua do të thotë i ardhur.
-Edhe unë kam pasur eksperiencat e mia të fillimit, por edhe të tashmet, megjithëse të ndryshme në formë dhe përmbajtje. Kryesore është që të jem vetvetja, pjesa tjetër është çështje kohe.
Unë mundohem shpesh që në mendime të ndryshoj rolin dhe menjëherë më kujtohen “jabanxhinjtë“ në Shqipëri …
Si mendoni që mund të përmirësohet bashkëpunimi ndërshqiptar?
-Rrjetëzimi,
-Bashkëpunimin konkret,
-Prezantimi i historive të suksesshëm,
-Shkëmbimi i eksperiencave.
Çfarë duhej të ishte ndryshe në mëmëdhe?
-Mungesa e besimit reciprok,
-Politizimi i gjithëçkaje,
-Dëshira, vullneti dhe besimi për të qenë i suksesshëm në ekonomin e tregut. Çdo fillim është i vështirë.
A mendoni se është e duhura qasja që qeveria/qeveritë shqiptare kanë ndërmarrë ndaj diasporës dhe çfarë do të kërkonit konkretisht nga qeveria/qeveritë shqiptare?
-Mendoj që qasja e qeverisë shqiptare ndajë diasporës është me shumë vonesë, por më mirë vonë se kurrë. Kjo është një risi që duhet përshëndetur dhe mbështetur.
Qasja e tanishme është një proces, nga i cili do të mësojmë si qeveria ashtu edhe diaspora.
Kryesore është zvogëlimi në maksimum i nuancave politike.
Ndërkohë që jeni të zënë duke bërë plane, ndryshimi mbetet konstantja e pandalshme e kohës. Cilat janë tuajat për të ardhmen?
-Rikandidimi për t’u bërë pjesë e Bundestagut Gjerman.
“The Albanian” tanimë ka mbi 1 milion ndjekës online. Cili do te ishte mesazhi juaj si motivim (mosdorëzim) ?
-Besoni në vetvete, besoni në aftësitë tuaja, të jeni gjithmonë vetvetja.
-Një Anglez apo Gjerman nuk ka asgjë më shumë se ne !
Faleminderit!
“The Albanian”
