Misionet diplomatike të Serbisë në Zvicër, Turqi, Greqi, Itali, SHBA dhe Gjermani janë objektiva të mundshme të shqiptarëve, të cilët kanë për qëllim që të marrin ndonjërën prej tyre në mënyrë që Serbinë t’a detyrojnë që të heqë dorë nga kërkesa e saj për të ekstraduar Ramush Haradinajn – shkruan “Novosti” nga Beogradi.
“Ky paralajmërim alarmant, të hënën u prezantua nga Zëvendëskryeministri dhe Ministri i Punëve të Jashtme, Ivica Dacic, ndërsa burimet e gazetës konfirmojnë se misionet e lartpërmendura “janë më të rrezikuarat”.
“Ne kemi informata të sigurisë se një plan i tillë djallëzor ekziston në diasporën shqiptare dhe në bashkëpunim me agjencitë dhe operativët e vendeve mikpritëse ne kemi marrë të gjitha masat e nevojshme për të parandaluar skenarin padëshiruar”, ka thënë Dacic për “Novosti”, raporton Gazeta Express.
Ai thotë se alarmimi i publikut është masë parandaluese, që informatat janë shqetësuese por në të njëjtën kohë thërret personelin diplomatik për mos përhapjen e panikut.
“Për këto informata kemi njohtuar policitë dhe shërbimet e sigurisë së vendeve mikpritëse, dhe të gjitha misionet tona diplomatike dhe konsullore. Janë dhënë të gjitha udhëzimet e nevojshme dhe janë marrë masat me qëllim parandalues. E gjithë kjo tregon se çka janë në gjendje të bëjnë politikanët shqiptarë, deri edhe terrorizëm”, ka shtuar ministri serb..
I paralajmëroj të gjitha vendet që janë përgjegjës për sigurinë e misioneve diplomatike, ndërsa politikanëve shqiptarë u tërheq vëmendjen që të mos luajnë me zjarr. Ne nuk do të heqim dorë nga ndjekja penale e Haradinajt apo kujtdo që ka kryer krime kundër popullit serb”, ka thënë Dacic./GazetaExpress/.
