You are here: Home » Lajme » Aktualitet » Një delegacion nga Universiteti i Birmingamit viziton Ballkanin

Një delegacion nga Universiteti i Birmingamit viziton Ballkanin 

Gëzim Alpion

Një delegacion nga Universiteti i Birmingamit do të vizitojë Ballkanin nga data 4-8 dhjetor 2012. Delegacioni kryesohet nga Profesor Mark Webber, Drejtor i Studimeve të Qeverisë dhe Shoqërisë, dhe përbëhet nga Profesor Stefan Wolff, Drejtor i Kërkimeve Shkencore, Dr Graham Timmins, Drejtor i Programit Arsimor, dhe Dr Gëzim Alpion, Drejtor i Programeve të Kombinuara. Krahas roleve të tyre administrative, anëtarët e delegacionit janë studiues me reputacion ndërkombëtar interesimi shkencor i të cilëve përfshin politikën, shoqërinë, fenë dhe mediat në Evropën Jug-Lindore. Delegacioni do të vizitojë Shqipërinë, Kosovën, Maqedoninë dhe Serbinë.

Programi në Tiranë përfshin një vizitë në Universitetin Marin Barleti ku akademikët nga Birmingami do të priten nga Drejtoresha e këtij institucioni Adriana Berberi e cila do të hap edhe simpoziumin që do të zhvillohet në Sallën A 24, Kampusi 1, Pranë Digës së Liqenit, më 5 dhjetor nga ora 10:30-13:00. Në këtë aktivitet, që do të ndiqet nga rektorë universitetesh në Shqipëri dhe përfaqësues të mediave, akademikët nga Birmingami do të flasin për rezultatet e larta të universitetit të tyre në fushën kërkimore-shkencore, programin e tyre të shkëlqyer universitar dhe pasuniversitar, mardhëniet e këtij institucioni me qytetin e Birmingamit si dhe lidhjet ndërkombëtare të universitetit të tyre, që shihen, ndër të tjera, në numrin e madh të akademikëve dhe studentëve të huaj. Pas kumtesava të tyre, anëtarët e delgacionit do t’iu përgjigjen pyetjeve të të pranishëmve.
Gjatë qëndrimit në Shqipëri delegacioni do të pritet nga Ministri i Arsimit dhe Shkencës Myqerem Tafaj. Akademikët e Universiteti të Birmingamit janë ftuar për të zhvilluar disa biseda televizive në studio në Tiranë.

Në Republikën e Kosovës më 6 dhjetor delegacioni do të pritet nga Ministri i Arsimit, Shkencës dhe Teknologjisë Ramë Buja si dhe Rektori i Universitetit të Prishtinës Ibrahim Gashi.

Në Republikën e Maqedonisë, akademikët nga Birmingami do të priten në Shkup nga Ministri i Arsmit dhe Shkencës Pance Kralev me 7 dhjetor. Delegacioni do të bëj një vizitë edhe në Universitetin e Europës Jug-Lindore në Tetovë.

Në Republikën e Serbisë delegacioni i Universitetit të Birmingamit do të pritet nga Kryetari i Bashkisë së Preshevës Ragmi Mustafa.

Vizita e delegacionit të Universitetit të Birmingamit në Ballkan reflekton interesat shkencore që një numër akademikësh në këtë institucion me famë botërore kanë për Evropën Jug-Lindore dhe interesimin që akademikë dhe studentë nga ky rajon tregojnë për programet e tij të shkëlqyera universitare dhe pasuniversitare. Vizita do të kontriboj në forcimin e lidhjeve ndërmjet Universitetit të Birmingamit dhe universiteteve dhe institucioneve shkencore në Ballkan.

Related posts:

One Response to Një delegacion nga Universiteti i Birmingamit viziton Ballkanin

  1. K. F

    Faktishkojne ne universitetet private kompromenton rende autoritetin e ketij universiteti. Do zoti nuk takojne shume lapangjoze si Cili &co.

Add a Comment