EKONOMI Veç biletës, rritet edhe çmimi i abonesë

Përveç biletës, duke filluar nga data 1 shkurt qytetarët që përdorin transportin urban në Tiranë do të paguajnë më shtrenjtë edhe për abonetë.

Për një abone linje, nga 900 lekë që kushton aktualisht, çmimi do të shkojë në 1200 lekë. Kurse çmimi i abonesë së përgjithshme të rritet në 1800 lekë nga 1200 që është tani.

I pandryshuar mbetet, ndërkaq, çmimi 600 lekë i abonesë për studentët. Ishte Lëvizja Socialiste për Integrim që kërkoi mosrritjen e çmimit për këtë kategori.

Vendimet për rritje të çmimit të biletës nga 30 në 40 lekë si dhe aboneve u miratuan nga Këshilli Bashkiak në mbledhjen e datës 30 dhjetor 2015 me votat e shumicës.